5 عناصر لنجاح موقعك - sahlsolution

أغسطس 19, 20190

الويب سايت أو موقعك الإلكتروني هو صورتك أونلاين والرسالة التى بتعبر عنك وعن شغلك اللى تحب توصلها للعملاء
بجانب الإمكانيات والمكاسب اللى ممكن موقعك يحققهالك والأرباح اللى ممكن تستفيد منها أونلاين  نجاح موقعك هو واحدة من أهم النقط اللى بتعبر عن مدي مجاحك وثقة العملاء فيك بشكل عام

تجربة العملاء مع موقعك هي أهم نقطة في تطوير أي موقع إلكتروني . الدقايق اللى العملاء بتقضيها على
موقعك هي الفترة اللى هتحدد هل انت كسبت عميل جديد أو لا ؟ هل هيزوروا موقعك مرة تانية أو لا ؟
لذلك العديد من اصحاب الأعمال بتلجأ لشركات تصميم مواقع الكترونية  لضمان أعلى جودة ممكنه

عناصر كتير بتساهم في نجاح موقعك . ومن أهم العناصر اللى لازم تهتم بيها لنجاح موقعك هي :

1- المحتوي

 المستخدم له حرية الاختيار من بين الآف المواقع . حتي لو تكمنت من تصميم موقع الكتروني  سهل الوصول , سريع التحميل وتصميمه أكتر من رائع بردو المستخدم مش هيكون راضي من غير محتوي مفيد يجاوب على أسئلته .
التسويق من خلال المحتوي من أهم عناصر التسويق اللى المواقع بتستخدمها في جذب اهتمام العملاء وتلبيه احتياجاتهم , عادة الناس بتفضل المحتوي اللى بيشمل فيديوهات أكتر من المكتوب لكن ده بيتوقف على الجمهور اللى بتستهدفه لكن في كل الأحوال يبقي المحتوي من أهم العوامل في نجاح الموقع للعميل ولمحركات البحث أو جوجل

2- سرعة تحميل الموقع

4 ثواني هي المدة اللى بعدها المستخدم هيخرج من موقعك لو الموقع مفتحش خلالها !
بالرغم من التطور في تصميم المواقع الاكترونية  إلا ان كتير من المواقع سرعة تحميلها بطيئة وده لأسباب كتيرة منها لغة البرمجة أو الصور أو جودة السيرفر . يوجد ملايين من المواقع والإختيارات لو موقعك بيحتاج وقت للتحميل الناس هتخرج ومش هترجع موقعك تاني .
لذلك جودة السيرفرات المستخدمة واحدة من أهم العوامل لتجديد جودة شركات تصميم المواقع الالكترونية

3-تصميم متجاوب مع الهاتف

اكتر من 60% من المستخدمين بيستعملوا الإنترنت من خلال هواتفهم وبالتالى لو تصميم موقعك  مابيدعمش التجاوب أو يكون مناسب مع أي حد بيستخدم موقعك من الموبايل فأنت هتخسر أكتر من نصف عملائك . بجانب تحسين تجربة مستخدم الهاتف تصميم موقعك ومدي ملائمته للهاتف من أهم العوامل في تقييم صفحتك من محركات البحث وظهروها في الصفحات الأولى

4- تجربة المتسخدم مع الموقع

الهدف الرئيسي من الموقع هو ان المستخدم ينال أفضل تجربة من خلال موقعك . علشان كده لازم تتأكد من تجارب المستخدمين من موقعك . هل تصميمه مناسب ؟ هل استخدامه سهل ؟ هل كل المعلومات متوافره ؟ هل الموقع بيشجعهم على التعامل معاك ؟ هل معلومات التواصل متاحة ؟ . لاوم تتأكد من وجود كل العوامل اللى تساعد المستخدم في رحلته مع موقعك الألكتروني

5- SEO

من أهم العناصر في نجاح أي موقع هي وجود استراتيجية قوية لنتائج أفضل في محركات البحت . من الممكن أن تمتلك
موقع أفضل من المنافسين لكن نتائجهم أفضل بسبب الـ SEO   . تهيئة الصفحة للظهور في الصفحات الأولى من جوجل
هي خطوة لابد منها لنجاح أي موقع

Leave a Reply

Your email address will not be published. Required fields are marked *

WhatsApp chat