إبدأ موقعك بالـ SWOT Analysis

أغسطس 4, 20190

ممكن تكون شركة ناشئة لها وجود في سوق العمل من فترة أو لسه بتدرس مشروع موقعك الإلكتروني
في كل الأحوال . دراسة المنافسين هي واحدة من أهم النقط في استراتيجة أي بيزنس
لو لسه بتبدأ مشروعك أو موقعك ابدأ بأبحات دراسات عن المنافسين . ويعد ما يكون ليك وجود في السوق
ومريت بتجارب نجاح وفشل بسيطه هيجي دور الخطوة التانية وهي الـSwot analysis
الـSwot analysis  هتساعدك في تحسين أداء العمل وفي تحقيق أهدافك التسويقية

معني الـ Swot Analysis  ؟

هي استراتيجية تحليل بتستخدم في تقييم أداء العمل والإستفادة من الفرص الممكنة مع مراعاه تقييم المنافسين
Swot هي اختصار لـ Strengths, weakness , opportunities , threats  , كل العوامل دي بتتم مراجعتها
تقييهما لتحين الأداء وتحقيق نتائج أفضل

أول نقطتين المتعلقين بنقاط القوة والضعف هي عوامل داخلية لتقييم نقاط القوة والضعف في البيزنس الخاص بيك
وتقدر انت كصاحب قرار تأثر فيهم أو تغيرهم
لكن نقاط الفرص والتهديدات هي عوامل خارجية مايقدرش البيزنس يأثر عليهم لكن يقدر يركز مجهوده في الاستفاده منها

إزاي تعمل Swot analysis ؟

تحليل البيزنس لازم يشمل كل الناس المسئولين عنه لدراسة البيزنس بشكل أفضل ويتبادلوا جميع الأفكار والاراء المتعلقة بكل نقطة علشان يحددوا أهم العوامل اللى ممكن يستفيدوا منها وأهم المشاكل لتجنبها

1- نقاط القوة

هي النقاط اللى بتحقق أفضلية للشركة على المنافسين. لما الشركة تحدد تقاط القوة هتقدر تشتغل على تحسينها أكتر
لتعزيز قوتها في السوق

– ماهي أهم المميزات التنافسية للشركة ؟
– أهم العوامل التي بتجذب العملاء للمشروع ؟
– هل محتاجين موظفين أكتر ؟
-أهم موارد الشركة ؟
– أهم النقط المختلفة في البيع عندهم؟

2- نقاط الضعف

هي النقط اللى الشركة محتاجه تركز عليها .  مشاكل في أداء الشركة بتمنع تحقيق نتائج أفضل . تحديدها هو بداية
الطريق لحلها وتحقيق نتائج أعلى

– إيه النقط اللى ممكن تكون أفضل ؟
– ايه العميلات اللى محتاج تتحسن ؟
– ماهي شكاوي العملاء ؟
– ايه أهم الموارد اللى الشركة محتاجاها ؟

3-الفرص

اليزنس كله بيدور على امكانيه إاستغلال الفرص . الموضوع هنا مش مقتصر على تحديد الفرص الموضوع له جانب آخر وهو السرعة . لو ملحقتش تستفيد من النتائج في أسرع وقت قبل المنافسين بالشكل اللى يخدم شغلك فأنت غالبا
هتخسر امكانيات وفرص موجودة

– أهم الأساليب الحديثة على مستوي التصينع والإعلان ؟
-أهم المناسبات القادمة ؟
-هل في فرص أفضل مع موردين بأسعار افضل ؟
– هل في فرصة للتوسع ؟

4- التهديدات

هي عوامل خارجية ممكن تأثر على موقعك أو شغلك بشكل سلبي . عوامل بعيدة عن البيزنس الخاص بيك لكن ممكن تأثر عليه وزي الفرص الموضوع مش مقتصر على تحديدها سرعة التعامل معاها بتوفر تكاليف كتيرة على أي بيزنس

– هل العملاء غير راضيين عن بعض المنتجات أو الخدمات ؟
– هل في احتمالية لتغيرر أسعار السوق أو تأثرة بأي أحداث سياسية ؟
– مين المنافسين الجدد ؟
– هل في تطور على مستوي التكنولوجيا ؟
– هل في تغيير في شراء المستهلك ؟

الـ Swot analysis  هي خطوة أولية مناسبة في وضع استراتيجة تناسب موقعك أو مشروعك . استراتيجية مبينة
على أهم نقاط القوة والضعف داخل المؤسسة لتحسين أدائها وتحقيق ميزة تنافسية على المنافسين  وتفادي أي مشاكل تمنع تحقيق نتائج أفضل

Leave a Reply

Your email address will not be published. Required fields are marked *

WhatsApp chat